Friday
Jul112014

Bihari Mihoih

 

Phalbi lai ahihtawh nitak thawm a dai baih mah mah a, Lamka mawltual a khawmpi vanhemte chihlouh thawmging zakdi a tamkei hi. Van a siang a, aksi bang tamin Krismas naita ahih tawh lengkhom la kisa zak hiau hiau di a om. A lungleng theiten zaw gendi hau unteh...
Khanglam apat motor hong taitou in Tipaimuhk Rd a hon tanvak a, Pastor pa a-sakramen hawmna puansilh a inlam zuan anahi hi. Thangzam Rd lamka a lampi tungtun (speed breaker) omna mun a atai awl laitak in lamgei a mi kipuk, si kai nialnual, thum huthut aheadlight in a sal kha hi. A lungsim a 'hiai Laitui Medico lamka bom chuuuu.... street light lah omlou, mi thulimlou nak tamlua ua hoihlou hiveh aw' chi kawm in a taisuak san hi.
Huai nung zek in activa khat a keyboard paw kawm in khawmpi lapu pa leng a hong tai tou nawn hi. Lampi tungtun omna apelh sawmna lam ah tuahse tuakpa ahon mu hi. 'Eimi eidia aw? Bangmi eidia aw?' chi masa zawzen in 'tuni zaw nitum a khawmpi a buai akihih tawh lupna mah2 ngaihhuai ta' chi a tuahsia tuakpa enliam vungvung kawmin a tai suak hi. Huchiin nitak thawm chuh daih chihtak a daih tawh mial ahong kithuah hi. Avangkim in tuahse tuakpa a thum huthut zel a, huailou thawm dang bangmah zakdi a om nawn kei. Lengkhawm tele a kikhenta uh ahidi.
Zan bang ahong sawt mah2 ta a, thawmhau taka lamgei a vuakliam sa a nutsiat a   a-omlai in khanglam apan siik tui ek ging ngiat2 dandeuh.. gingzel, daizel, gingzel, 
daizel zakdi ahong om hi. Sik ging ngiat ngiat tuh awl in a hong nai hiai hiai a, radio ging dandeuh avangkim a puak deuh sursur bangle a hong om hi. Maksa leh bildoh a aomlai in Bihari te khat Pioneer a sem, veng khanglam a asungte veh khin Thangzam Rd ah siksakor in ahong taitou niapniap hi. Vaipa le Laitui Medico kong a hong tung tou ta ngei hi. Lamgei a tuahsia tuak sibang niaunuau a om tuh a hon muh phet in a radio off tawh a siksakor apat kum thuahin mipa tuh a va en a, panpihngai, migilou te suamsa amuh in a hehpih mahmah hi. Huchi in zansawt khawvot genlou in Bihari pa'n tuahse tuakpa tuh Lamka damdawi in Casualty ah pawlut in a enkol nilouh hi.
Tuahsia tuakpa a di'n kuapen a inveng ahi mah diam maw....

Bihari Mihoih
Phalbi lai ahihtawh nitak thawm a dai baih mah mah a, Lamka mawltual a khawmpi vanhemte chihlouh thawmging zakdi a tamkei hi. Van a siang a, aksi bang tamin Krismas naita ahih tawh lengkhom la kisa zak hiau hiau di a om. A lungleng theiten zaw gendi hau unteh...
Khanglam apat motor hong taitou in Tipaimuhk Rd a hon tanvak a, Pastor pa a-sakramen hawmna puansilh a inlam zuan anahi hi. Thangzam Rd lamka a lampi tungtun (speed breaker) omna mun a atai awl laitak in lamgei a mi kipuk, si kai nialnual, thum huthut aheadlight in a sal kha hi. A lungsim a 'hiai Laitui Medico lamka bom chuuuu.... street light lah omlou, mi thulimlou nak tamlua ua hoihlou hiveh aw' chi kawm in a taisuak san hi.Huai nung zek in activa khat a keyboard paw kawm in khawmpi lapu pa leng a hong tai tou nawn hi. Lampi tungtun omna apelh sawmna lam ah tuahse tuakpa ahon mu hi. 'Eimi eidia aw? Bangmi eidia aw?' chi masa zawzen in 'tuni zaw nitum a khawmpi a buai akihih tawh lupna mah2 ngaihhuai ta' chi a tuahsia tuakpa enliam vungvung kawmin a tai suak hi. Huchiin nitak thawm chuh daih chihtak a daih tawh mial ahong kithuah hi. Avangkim in tuahse tuakpa a thum huthut zel a, huailou thawm dang bangmah zakdi a om nawn kei. Lengkhawm tele a kikhenta uh ahidi.
Zan bang ahong sawt mah2 ta a, thawmhau taka lamgei a vuakliam sa a nutsiat a   a-omlai in khanglam apan siik tui ek ging ngiat2 dandeuh.. gingzel, daizel, gingzel, daizel zakdi ahong om hi. Sik ging ngiat ngiat tuh awl in a hong nai hiai hiai a, radio ging dandeuh avangkim a puak deuh sursur bangle a hong om hi. Maksa leh bildoh a aomlai in Bihari te khat Pioneer a sem, veng khanglam a asungte veh khin Thangzam Rd ah siksakor in ahong taitou niapniap hi. Vaipa le Laitui Medico kong a hong tung tou ta ngei hi. Lamgei a tuahsia tuak sibang niaunuau a om tuh a hon muh phet in a radio off tawh a siksakor apat kum thuahin mipa tuh a va en a, panpihngai, migilou te suamsa amuh in a hehpih mahmah hi. Huchi in zansawt khawvot genlou in Bihari pa'n tuahse tuakpa tuh Lamka damdawi in Casualty ah pawlut in a enkol nilouh hi.
Tuahsia tuakpa a di'n kuapen a inveng ahi mah diam maw....